Türkmen mekdep okuwçylary karate-do boýunça Merkezi Aziýa çempionatynda medallary gazandylar

Dekabr 22, 2023 | 22:34 |7522

Türkmenistanyň milli ýygyndysy şu günler Aktauda (Gazagystan) geçirilýän karate-do boýunça Merkezi Aziýanyň Çagalar çempionatyna gatnaşýar. Jemi 300-den gowrak türgen bu ýaryşa gatnaşyp, olaryň 27-si türkmen wekiliýetiniň düzüminde çykyş edýär.

Eýýäm ýaryşyň birinji gününde gatnaşyjylar ajaýyp netijeleri görkezdiler: Alina Ýewdokimowa we Öwezmyrat Sapardurdyýew öz agram derejelerinde altyn medala mynasyp boldylar. Kümüş medal bolsa, Baýramgeldi Atadurdyýewe berildi.

Karate-do boýunça Çagalar çempionaty şu günler Gazagystanyň Aktau şäherinde geçirilýär. Sport ýaryşy ýene 2 gün dowam edip, ýekşenbe güni, 24-nji dekabrda tamamlanar.

ORIENT news