Türkmenistanyň Awstraliýadaky ilçisi bellendi
Prezident Serdar Berdimuhamedowyň Permany bilen Türkmenistanyň Ýaponiýadaky Adatdan daşary we Doly ygtyýarly ilçisi Atadurdy Baýramowy, şol bir wagtyň özünde oturýan ýeri Tokioda bolan Awstraliýadaky Adatdan daşary we Doly ygtyýarly ilçisi wezipesine belledi.
Wezipä bellemek baradaky resminama “Watan” habarlar gepleşiginde yglan edildi.
Atadurdy Baýramow 2022-nji ýylyň iýunynda Türkmenistanyň Ýaponiýadaky ilçisi wezipesine bellenipdi. Ondan öň, Russiýa Federasiýasynyň Kazan şäherinde Türkmenistanyň baş konsuly bolup işledi.
Geçen ýylyň oktýabr aýynda Ýaponiýanyň imperatory Naruhito ynanç hatyny gowşuryp, Tokioda ilçi wezipesinde işe başlady.
Türkmenistan we Awstraliýa Arkalaşygy (Awstraliýa Arkalaşygy diýlip hem atlandyrylýar) 1992-nji ýylyň 14-nji maýynda diplomatik gatnaşyklaryny ýola goýdy.
2023-nji ýylyň fewral aýyndan bäri Greým Mihan Lesli Awstraliýanyň Türkmenistandaky ilçisi (oturýan ýeri Moskwada) wezipesinde hem işleýär.
ORIENT news
