Ýaponiýanyň hormatly imperatory Akihito 90 ýaş ýubileýini belleýär
23-nji dekabrda Ýaponiýanyň hormatly imperatory Akihito 90 ýaş ýubileýini belleýär diýip, RIA Nowosti habar berýär. Imperator köşgüniň müdirligi öz saýtynda ýörite beýanaty we gutlaglaryň tertibini ýerleşdirdi.
Hormatly imperatory maşgala agzalary, müdirligiň işgärleri, şeýle hem Ýaponiýanyň premýer-ministri Fumio Kisida, parlamentiň wekilleri gutlarlar.
Akihito 202 ýylyň içinde Ýaponiýanyň imperatorynyň tagtyndan ýüz dörderen ilkinji imperator boldy. 2019-njy ýylda ol Hrizantema tagtyny uly ogly mirasdüşer şazada Naruhito geçirdi.
Şeýle hem hormatly imperator Akihito 1947-nji ýylda konstitusiýa kabul edilenden soňra höküm süren ilkinji imperator boldy. Konstitusiýa imperatoryň hukuk derejesini “Milletiň nyşany” hökmünde kesgitledi. Geçirilen sowalnama laýyklykda, ýaponlaryň 80 göteriminden gowragy hormatly imperatoryň öz wezipesini üstünlikli ýerine ýetirdi diýip hasaplaýarlar. Höküm süren döwründe ol halkdan tapawutlanmaga çalyşmaýardy.
Akihito 1959-nyj ýylda bir iri kompaniýanyň ýolbaşçysynyň gyzy Mitiko Sýoda bilen durmuş gurup, köpýyllyk däbi ilkinji gezek bozdy. Bu däbe laýyklykda, imperatorlar we şazadalar diňe asylzadalar bilen durmuş gurup bilýärler.
Parahatçylyga ymtylmak we uruşda wepat bolanlary hatyralamak onuň işiniň esasy ugurlary boldy.
ORIENT news
