Türkmenistanda Täze ýyl baýramçylygy: bazarlarda azyk bolçulygy, her öýde şatlyk şowhun
Türkmenistanda Täze ýyly mynasyp garşylamaga taýýarlyk görülýär. Ýurduň paýtagty täze ýyl bezeglerine beslendi.
Söwda merkezleri özleriniň köp öwüşginli tekçeleri bilen alyjylaryň ünsüni çekýär. Dükanlarda we bazarlarda arça bezegleri we oýunjaklar, dürli süýjilikler hem-de sowgatlyk önümleri alyjylara hödürlenilýär.
Söwda nokatlaryndaky azyk bolçulygynyň türkmen telekeçileriniň tagallalarynyň netijesidigini bellemek gerek. Olar daşary ýurtlardan getirilýän harytlaryň ornuny tutýan önümleriň önümçiligini ýylsaýyn artdyrýarlar. Türkmenistanyň paýtagtyndaky, şeýle hem sebitlerindäki söwda merkezlerinde we bazarlarda süýt we et önümlerinden başlap, konserwirlenen önümlere çenli türkmen telekeçileriniň öndürýän dürli önümlerini satyn almak bolýar.
Güler ýüzli satyjylar köpdürli harytlaryň içinden size gerek harydyňyzy saýlap almaga ýardam bererler. Iň esasysy bolsa Täze ýyl üçin zerur bolan harytlaryň ählisini siz elýeterli bahalardan alyp bilersiňiz.
Umuman, eger siz Täze ýyly garşylamak üçin menýu düzen bolsaňyz onda ýurduň söwda nokatlary we bazarlary size garaşýar!
ORIENT news
