BELTA: Belarussiýada kiberhowpsuzlygy üpjün etmek merkezi dörediler
Belarussiýada kiberhowpsuzlygy üpjün etmek we kiberhadysalara garşy durmak merkezi dörediler diýip BELTA habar berýär.
Merkez Belarussiýanyň elektron hyzmatlary Milli merkezi tarapyndan döredilýär.
Bu edaranyň direktory Roman Gradusowyň aýtmagyna görä merkez indiki ýyldan hereket edip başlar.
Maglumat howpsuzlygygynyň üpjün edilmegi, elektron resminama dolanyşygynyň, şeýle hem raýatlar we işewürlik üçin elektron hyzmatlaryň ösdürilmegi Milli elektron hyzmatlar merkeziniň esasy wezipeleridir.
Roman Gradusowyň bellemegine görä şu ýylda kiçi kärhanalar üçin elektron resminama dolanyşygyny we pudagara elektron resminama dolanyşyk ulgamyny ulanmak boýunça täze çözgüt teklip edildi. Ol elektron hyzmatlarynyň bitewi portalyndaky şahsy elektron kabinetinde elýeterlidir.
ORIENT news
