Türkmenistanda howanyň maýlamagyna garaşylýar
Dekabr 22, 2023 | 17:43 |5653
Dynç günlerinde Türkmenistanyň paýtagty Aşgabatda we onuň töwereklerinde maýyl howa höküm sürer. Bu barada “Gismeteo” meteorologiýa internet neşiri mälim edýär.
Gyş paslynyň dekabr aýydygyna garamazdan, ertir Aşgabatda howa 20 gradusa çenli maýlar, ýekşenbe gününde bolsa, onuň 22 gradusa çenli ýetmegine garaşylýar.
Ýurduň beýleki sebitlerinde hem şunuň ýaly maýyl howaly dynç alyş günleri bolar.
Indiki hepdäniň başyndan bolsa, howanyň gyzgynlyk derejesiniň 17 gradusa çenli biraz peselmegine garaşylýar.
ORIENT news
