Biržada nebithimiýa, oba hojalyk, ýeňil senagatyň önümleri we halylar satyldy
21-nji dekabrda Türkmenistanyň Döwlet haryt-çig mal biržasynda geçirilen söwdalaşyklarda içerki we daşarky bazarda nebithimiýa, oba hojalyk we ýeňil senagatyň önümleri hem-de türkme el halylary satyldy.
Özbegistanyň işewürleri "Türkmennebit" döwlet konserninden SN-180 kysymly esaslyk ýagyny satyn aldylar.
Türkiýäniň işewürleri Türkmenistanyň Saglygy goraýyş we derman senagaty ministrliginden arassalanmadyk owradylan, guradylan buýan köküni hem-de kök baldaklaryny, ýerli hususy kärhanasyndan flanel nah matasyny satyn almak barada geleşik baglaşdylar.
Içerki bazarda türkmen işewürleri "Türkmennebit" döwlet konserninden "TPP D 30 S" kysymly polipropileni we türkmen el halysyny satyn almak barada geleşik baglaşdylar.
Söwdalaşyklaryň barşynda jemi 2 405 977,13 manada we 824 500 ABŞ dollara deň bolan 5 geleşik baglaşyldy.
Türkmenistanyň Döwlet haryt-çig mal biržasynda geçirilýän söwdalaşyklar barada giňişleýin şu salgy boýunça öwrenip bilersiňiz.
ORIENT news
