Aşgabatdaky hassahanada böwregi çalyşmagyň operasiýalaryny geçirmek ýola goýuldy
Aşgabat şäherindäki S.A.Nyýazow adyndaky Bejeriş-maslahat beriş merkeziniň beden agzalaryny we dokumalaryny transplantasiýa etmek bölüminiň ýaş hünärmenleri böwregi çalyşmak bilen bagly birnäçe hirurgik operasiýalary geçirdiler. Bu barada “Neýtralnyý Türkmenistan” gazeti habar berýär.
“Ähli töwekgelçiliklere we çylşyrymlylyga garamazdan, hünärmenler operasiýalara düýpli taýýarlyk gördüler. Böwrekleri transplantasiýa etmek – bu näsag böwregi aýryp, ýerine sagdynyny oturtmagy wezipe edip goýýan bejeriş usulydyr. Bu usul lukmandan ýokary bilimi we ussatlygy talap edýär” diýlip habarda bellenýär.
S.A.Nyýazow adyndaky Bejeriş-maslahat beriş merkezi ýurduň iň iri lukmançylyk merkezleriniň biri bolup, bu ýerde Myrat Garryýew adyndaky Türkmenistanyň Döwlet lukmançylyk uniwersitetiniň alymlary bilen utgaşykly iş alyp barmagyň netijesinde birnäçe ylmy-barlaglar hem alnyp barylýar.
ORIENT news
