Türkiýede “Arkadag Serdarly bagtyýar ýaşlar” şygary bilen dabaraly çäreler geçirildi
2023-nji ýylyň 20-nji dekabrynda Türkmenisatnyň Türkiýe Respublikasyndaky ilçihanasy “Arkadag Serdarly bagtyýar ýaşlar” şygary bilen geçýän ýylyň hormatyna dabaraly çäreleri geçirdi.
Bu çäreleriň çäklerinde Izmit şäheriniň Kojaeli uniwersitetinde we Ankara şäheriniň Medipol uniwersitetinde bu ýokary okuw mekdeplerinde bilim alýan türkmen talyplarynyň gatnaşmagynda baýramçylyk konsertleri geçirildi.
Şeýle hem türkmen halkynyň amaly-haşam sungatynyň sergisi guraldy. Sergide myhmanlar medeni gymmatlyklar, hususan-da, milli halylar, şaý-sepler, türkmen tagamlary, şeýle hem beýik türkmen şahyry we akyldary Magtymguly Pyragynyň goşgular ýygyndysy bilen tanyşdyryldy.
Mundan başga-da Türkmenistanyň diplomatik wekilhanasy ýokary okuw mekdepleriň professorlardyr mugallymlary we daşary ýurtly talyplar üçin Türkmenistanyň Garaşszylyk ýyllarynda ýeten sepgitleriniň we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň kitaplarynyň tanyşdyrylyşyny gurady.
ORIENT news
