Daşkent şäherinde korrupsiýa garşy durmagy alamatlandyrýan ýadygärlik açyldy
Daşkent şäherinde korrupsiýa garşy göreşmekde halkara tagallalary alamatlandyrýan ýadygärlik bina edildi.
19-njy dekabrda onuň açylyş dabarasy geçirilip, oňa Özbegistanyň Prezidenti Şawkat Mirziýoýew we Katar Döwletiniň Emiri Şeýh Tamim bin Hamad Al Tani gatnaşdy. Bu barada Özbegistan Respublikasynyň Prezidentiniň metbugat gullugy habar berýär.
Halkara jemgyýetçiliginiň korrupsiýa garşy tagallalaryny alamatlandyrýan ýadygärlik “Tashkent City” işewürlik merkezinde ýerleşýär. Ýadygärlik ýokaryk uzaýan eli we açyk barmaklary bilen 12 metrlik metal kompozisiýadan ybarat bolup, niýetleriň dogruçyllygyny we arassalygyny aňladýar. Bu ýadygärlik beýleki ýurtlara korrupsiýa garşy göreşde birleşmäge çagyryşdyr. Onuň açylyşy şu ýylyň ahyrynda geçiriljek Özbegistanda korrupsiýa garşy göreşde gazanan üstünlikleri üçin ýokary halkara baýragynyň gowşurylyşyna gabat geldi.
Malaýziýanyň, Ruandanyň we Tunisiň paýtagt şäherlerinde şuňa meňzeş ýadygärlikler eýýäm bar.
ORIENT news
