Türkmenistanyň 2024-nji ýyl üçin Döwlet býujeti nähili bölünip berler?
Türkmenistanyň Maliýe we ykdysadyýet ministrligi geljek ýylda Döwlet býujetiniň serişdeleriniň bölünişini beýan edýän makalany çap etdi. Ol Türkmenistanyň Mejlisiniň Ykdysady meseleler baradaky komitetiniň başlygy Guwançmyrat Agaýew tarapyndan ýazlyp, “Türkmenistan” gazetinde çap edildi.
Döwlet býujetnde durmuş maksatly ulgama gönükdiriljek serişdeleriň tutýan paýy 77,3 göterim göz öňünde tutulyp, şonuň 36,6 göterimi bilime, 13,5 göterimi saglygy goraýyşa, 2,9 göterimi medeniýete, 37,8 göterimi döwlet durmuş üpjünçilik ulgamyna, 9,2 göterimi ýaşaýyş jaý-jemagat hojalygyna harçlanar.
Aşgabat şäheri boýunça 2024-nji ýylda bölünip berlen býujet serişdeleri geçen ýyldakydan 10,8 göterim, Ahal welýatynyňky 7,1 göterim, Balkan welaýatynyňky 9,5 göterim, Daşoguz welýatynyňky 9,4 göterim, Lebap welaýatynyňky 9,2 göterim, Mary welaýatynyňky hem 8,1 göterim köpdür.
Ýurduň ykdysadyýetiniň önümçilik maksatly desgalarynyň gurluşygyna maýa goýumlaryň umumy möçberinden 67,8 göterimi, önümçilik däl maksatly desgalaryň gurluşygyna 32,2 göterimi harçlanar.
Býujetiň I derejesiniň girdejileri, ýagny salgytlar we býujete geçirilýän beýleki tölegler boýunça serişdeleriň gelip gowuşýan möçberi 32 865,0 million manat möçberde meýilleşdirilip, 2023-nji ýyl üçin tassyklanan derejesine garanyňda, 12,8 göterim ýokarydyr.
ORIENT news
