Türkmenistanyň Döwlet haryt-çig mal biržasynyň söwdalarynda polipropilen we elde dokalan halylar ýerlenildi
Dekabr 22, 2023 | 10:14 |7613
20-nji dekabrda çarşenbe güni Türkmenistanyň Döwlet haryt-çig mal biržasynyň söwdalarynda içerki we daşarky bazarlar üçin polipropilen we elde dokalan halylar ýerlenildi.
Daşarky bazarda Gruziýanyň telekeçileri “Türkmennebit” döwlet konserni bilen “TPP D 30 S” kysymly polipropileni satyn almak barada geleşik baglaşdylar.
Içerki bazarda türkmen işewürleri “Türkmennebit” döwlet konserni bilen “TPP D 30 S” we “TPP D 382 BF” kysymly polipropileni satyn almak barada geleşik baglaşdylar. Olar şeýle hem elde dokalan halylary satyn aldylar.
Söwdalaryň dowamynda jemi bahasy 4 659 233,06 manat we 1 500 000 dollar bolan bäş geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
