Serdar Berdimuhamedow 2024-nji ýylda geçiriljek sergileriň we maslahatlaryň sanawyny tassyklady
Türkmenistanyň Prezidenti Serdar Berdimuhamedow ministrlikler we pudaklaýyn dolandyryş edaralary tarapyndan 2024-nji ýylda geçiriljek sergileriň, ýarmarkalaryň, maslahatlaryň, festiwallaryň sanawyny tassyklaýan Karara gol çekdi. Bu barada Türkmenistanyň Döwlet habarlar agentligi mälim edýär.
Şeýle hem degişli ministlikler we pudaklaýyn dolandyryş edaralary tarapyndan geçiriljek çäreleriň guramaçylyk topary tassyklandy. Olara degişli çäreleriň ýokary derejede, guramaçylykly geçirilmegini üpjün etmek tabşyryldy.
Resminama ýurdumyzda amala aşyrylýan durmuş-ykdysady özgertmeleri giňden ýaýmak, Türkmenistanyň daşary ýurtlar bilen köpugurly gatnaşyklaryny has-da ösdürmek, häzirki zaman tehnologiýalaryny, ylmyň gazananlaryny önümçilige giňden ornaşdyrmak we ykdysadyýetiň pudaklaryna maýa goýumlary çekmek maksady bilen kabul edildi.
Ýeri gelende bellesk, 2024-nji ýylda Gündogaryň akyldar şahyry Magtymguly Pyragynyň 300 ýyllygy giňden belleniler.
ORIENT news
