BMG 2026-njy ýyly “Durnukly ösüş maksatlary üçin meýletinçileriň halkara ýyly” diýip yglan etdi
Birleşen Milletler Guramasynyň Baş Assambleýasy 2026-njy ýyly “Durnukly ösüş maksatlary üçin meýletinçileriň halkara ýyly” diýip yglan etmek hakyndaky Kararnamany kabul etdi.
Bu başlangyjy Gazagystan dünýäniň ähli sebitlerindäki ýurtlar – Ermenistan, Boliwiýa, Germaniýa, Keniýa we Kiribati adalary ýurtlary bilen bilelikde öňe sürdi. Bu resminamanyň awtordaşy hökmünde BMG-a agza ýurtlaryň 54-si çykyş etdi.
Halkara ýylynyň çäginde geçiriljek çäreler milli, sebitleýin we dünýä derejesinde meýletinçilik hereketine güýçli itergi berer we bu ugurdakyhalkara hyzmatdaşlygy has-da işjeňleşdirip geljekde ösüşiň esasy ugurlaryny kesgitlär diýlip, Gazagystan Respublikasynyň Prezidentiniň ýanyndaky Merkezi aragatnaşyk gullugynyň metbugat beýanatynda mälim edilýär.
2023-nji ýylyň 20-21-nji iýulynda Gazagystanyň Prezidentiniň, BMG-niň ýokary derejeli wekilleriniň we 30-dan gowrak ýurtdan meýletinçileriň gatnaşmagynda Halkara meýletinçiler forumy geçirildi.
ORIENT news
