18-nji dekabr – Kataryň Milli güni
18-nji dekabrda Kataryň Milli güni bellenýär.
"Doha News" onlaýn habarlar neşiriniň mälim etmegine görä, bu möhüm sene mynasybetli Katar Döwletiniň Emiriniň Diwany resmi iki günlük dynç alşy yglan etdi. Emirligiň ähl ilaty 19-njy dekabrda iş ýerlerine gaýtadan dolanyp bararlar.
Kataryň Milli güni 1878-nji ýylda ýurduň birleşdirilen senesini alamatlandyryp döredildi. 1878-nji ýylyň 18-nji dekabrynda häzirki zaman Katar Döwletiniň düýbüni tutujy Şeýh Jassim bin Muhammet Al Tani tagta çykdy. Ol Katar ýarym adasynyň Baştutany hökmünde kakasy Muhammet bin Taniniň ornuna geçdi.
Katar ilki ýarym adanyň gündogar kenaryndaky Bahreýn halyflygynyň golastyndady. Halyflyga garşy nägilelikler we Beýik Britaniýanyň goldawy Şeýh Muhammet bin Taniniň ýurdy dolandyrýan nesilşalygynyň döredilmegine sebäp boldy. Bu nesilşalyk häzirki güne çenli ýurdy dolandyrýar.
1916-njy ýylda Katar Beýik Britaniýanyň garamagynda boldy. 1971-nji ýylda Beýik Britaniýa Pars aýlagy sebitini terk edenden soň doly garaşsyz we özbaşdak boldy.
ORIENT news
