TGÝMJ-niň meýletinçileri birinji synp okuwçylar üçin maglumat sessiýasyny geçirdi
Duşenbe güni, 18-nji dekabrda Türkmenistan Gyzyl Ýarymaý Milli jemgyýetiniň (TGÝMJ) meýletinçileriniň gatnaşmagynda türkmen-rus orta mekdebinde maglumat sessiýasy geçirildi. Söhbetdeşlik Russiýa Federasiýasynyň Bilim we ylym ministrliginiň başlangyjynyň çäklerinde - “Möhüm zatlar hakda söhbet” atly ajaýyp marafon hökmünde geçirildi.
Interaktiw sapakda mekdep okuwçylary meýletinçileriň kimdigini we başgalara näme üçin kömek etmegiň möhümdigini öwrendiler. TGÝMJ-niň meýletinçileri çagalara bu Jemgyýetiň işleri barada gürrüň berdiler we meýletinçi bolmaklarynyň sebäbini paýlaşdylar.
“Möhüm zatlar hakda söhbetiň” ahyrynda interaktiw oýun geçirildi - birinji synp okuwçylary “meýletinçi Täze ýyl arçasyny” bezediler. Mekdep okuwçylary Täze ýyl arçasyna nusgawy meýletinçilere mahsus häsiýetleri bolan kagyz oýunjaklaryny dakdylar. Meýletinçilik pikirinden ruhlanan köp çagalar meýletinçileriň hataryna goşulmaga gyzyklanma bildirdiler.
ORIENT news
