Emirlikleriň ähli jemgyýetçilik ýerlerinde mugt "Wi-Fi" hyzmaty ýola goýuldy
Abu-Dabiniň Şäher we ulag müdirligi Emirlikleriň ähli jemgyýetçilik ýerlerinde mugt "Wi-Fi" hyzmatyny ýola goýdy.
Bu başlangyç Abu-Dabi şäheriniň sanly infrastrukturasyny kämilleşdirmäge gönükdirilendir. Ony durmuşa geçirmegiň çäklerinde awtobuslar, kenarýaka dynç alyş zolaklary we jemgyýetçilik seýilgähleri simsiz internet hyzmaty bilen üpjün ediler. Bu başlangyç eýýäm Abu-Dabiniň 10, Al-Aýnyň 11, Al-Dafra sebitiniň hem 14 seýilgähinde durmuşa geçirmäge girişildi. Ýakyn wagtda ýokary tizlikli internet Korniş we Al Batin kenarýaka zolaklarynda hem gurnalar.
Abu-Dabi şäheri "IMD Smart City Index 2023" atly reýting sanawynda öňdebaryjy orny eýeleýär. Bu sanawy edara binasy Şweýsariýada ýerleşýän Dolandyryşy ösdürmegiň halkara instituty Singapuryň tehnologiýa we dizaýn instituty bilen hyzmatdaşlykda taýýarlaýar.
ORIENT news
