Türkmenistan Gazagystan bilen hyzmatdaşlygy pugtalandyrmaga berk ygrarly
Türkmenistanyň Prezidenti Serdar Berdimuhamedow Gazagystanyň döwlet Baştutany Kasym-Žomart Tokaýewi ýurduň Garaşsyzlyk güni mynasybetli tüýs ýürekden gutlady. Bu barada Türkmenistanyň resmi metbugaty habar berýär.
"Biz halklarymyzyň bähbidi üçin mundan beýläk-de özara düşünişmegi pugtalandyrarys we ähli ugurlarda hyzmatdaşlygy giňelderis" diýlip, gutlag hatynda bellenilýär.
Türkmenistanyň Prezidenti şeýle hem Gazagystanyň Türkmenistanyň ygtybarly dosty hem hyzmatdaşydygyny bu gatnaşyklaryň ýokary derejedäki yzygiderli saparlaryň netijesinde pugtalanmagyny we ösmegini dowam etdirýändigini belledi. Türkmenistan bilen Gazagystanyň arasyndaky gatnaşyklar dürli pudaklary, şol sanda syýasy, ykdysady, medeni, bilim, ulag we beýleki ugurlary öz içine alýar.
Öz gezeginde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem Gazagystanyň Prezidentine gutlaglaryny iberdi. Gutlag hatynda iki doganlyk halkyň arasyndaky dialogda ynanyşmak gurşawy we açyklyk ýagdaýy bellenýär.
ORIENT news
