“KazanForum 2024” atly çärä gatnaşjaklary bellige almak işi başlandy
“Russiýa – Yslam dünýäsi: KazanForum 2024” atly 15-nji gezek geçiriljek halkara ykdysady foruma gatnaşýanlary bellige almak işi badalga aldy. Bu maslahat geljek ýylyň 14 – 19-njy maýynda Kazan şäherinde geçiriler.
Forumyň çäklerinde Yslam dünýäsi ýurtlarynyň döwletara toparlary bilen mejlisleriň, “Russiýa – Yslam dünýäsi” strategik görüş toparynyň duşuşygy, halal önümleriniň sergisi, musulman moda festiwaly hem-de işewürlik duşuşyklary geçiriler.
“KazanForumyň” ozalky mejlisi şu ýylyň 18-19-njy maýynda Kazanyň sergiler merkezinde geçirilipdi. Şonda türkmen wekiliýetine Ministrler Kabinetiniň ýanyndaky Ulag we kommunikasiýalar agentligiň Baş direktory Mämmethan Çakyýew başlyklyk etdi.
Foruma gatnaşmak isleýänler şu salgy boýunça özlerini bellige aldyryp bilerler.
ORIENT news
