«20-minutlyk şäher» konsepsiýasy tanyşdyryldy
Dubaý şäherinde BMG-niň Howanyň üýtgemegi boýunça 28-nji maslahatynda (COP28) «20-minutlyk şäher» konsepsiýasy tanyşdyryldy.
Gensler ählumumy dizaýnerçilik we binagärlik firmasynyň bu taslamasy pyýada gezelençleri, welosiped sürmegi we hususy awtoulaga derek jemgyýetçilik ulagynyň ulanylmagyny höweslendirip, adamyň daşky gurşawa ýetirýän täsirini azaltmaga gönükdirilendir.
Munuň üçin has giň ýanýodaly we welosipedler üçin niýetlenen ýodajykly köçeler gurular.
«COVID-19 pandemiýasy döwründe biz her bir şäher ýaşaýjysynyň 20-minutlyk aralykda ýerleşen jemgyýetçilik ýerlerini göwnejaý görýändigini anykladyk», —diýip kompaniýanyň wekili Endi Koen aýtdy we geljekde «20-minutlyk şäher» konsepsiýasynyň kada öwrüljekdigini belledi.
Bu şäherlerde jemgyýetçilik ulagy Uber ýaly hyzmaty ýada salar, ýagny adamlar ulaga münüp ýola düşerler, ýöne hiç hili awtoulag duralgalary bolmaz.
“Geljek 5-10 ýylyň dowamynda biz şäher köçelerini awtoulaglar üçin däl-de, adamlara gaýtaryp berip bileris” diýip Koen aýtdy.
ORIENT news
