Hytaýda “aýlawly” gökdirän binalar peýda bolar
Şençžen şäherinde Hytaýyň “Tencent” tehnologiýa korporasiýasynyň täze ştab-kwartirasyna öwrüljek “aýlawly” beýik binalaryň toplumy gurlar. Taslama Ole Şireniň binagärlik býurosy tarapyndan amala aşyrylýar.
“Tencent Helix” diýlip atlandyryljak toplumda dört sany gökdirän binalar bolup, olaryň iň beýikleri ýerden 153 metr beýiklige çykar. Häzirki zaman “tüweleý (aýlawly) görnüşli” şäher merkezinde ýaşyl meýdança – ýagny, işgärleriň boş wagtlarynda dynç almagy üçin niýetlenen ullakan açyk bag hem bolar. Daşarky fasad (binanyň öň tarapy) köp gün şöhlesiniň geçirmäge ukyply prizmatik aýna paneller bilen örtüler.
Takmynan çaklamalara görä, “Tencent Helix”-iň umumy meýdany takmynan 500 000 m2 bolup, ol - “Apple”-iň Kaliforniýadaky ştab-kwartirasyndan (iki esse) we “Amazon”-yň ştab-kwartirasyndan (takmynan üç esse) uludyr.
“Tencent Helix-iň dizaýny, kompaniýanyň çalt ösüşini görkezýär. Bu, aýlanýan eňňit bilen asmana çykýan aýlawly gurluş bilen alamatlanýar. Toplumyň silueti (şekilleriň profiliniň tekiz, monohromatiki şekili) tüweleýiň spiral görnüşli hereketine meňzeýär. Arhitektura görnüşleri döredijilik we tehnologiýany özüne çekiji giňişlikde birleşdirýär”-diýip, taslama gözegçilik edýän binagärlik bölüminiň direktory pikirini paýlaşýar.
Taslamanyň tamamlanjak senesi entek belli däl, ýöne onuň netijelerinden Hytaýyň tehnologiýa ägirtleriniň täze edara binasynyň hakyky binagärlik gudraty boljakdygy eýýäm bellidir.
ORIENT habarlary
