Tebigy gazy eksport etmegiň meýilnamasy 13,8 göterim artyk ýerine ýetirildi
Ýanwar – noýabr aýlarynda Türkmenistanda “mawy ýangyjy” eksport etmegiň meýilnamasy 113,8 göterim berjaý edildi. Şeýle hem tebigy we ugurdaş gazy çykarmagyň meýilnamasy 107,6 göterim, benzin öndürmegiň meýilnamasy 103 göterim, dizel ýangyjyny öndürmegiň meýilnamasy 102,8 göterim, çalgy ýaglaryny öndürmegiň meýilnamasy 104,5 göterim, suwuklandyrylan gazy öndürmegiň meýilnamasy 116,1 göterim ýerine ýetirildi.
Gazanylan görkezijiler barada Ministrler Kabinetiniň Başlygynyň ýangyç-energetika toplumyna gözegçilik edýän orunbasary Batyr Amanow 8-nji dekabrda geçirilen Hökümet mejlisinde hasabat berdi.
Şeýle hem wise-premýer Halkara Bitaraplyk güni hem-de Nebitgaz senagaty we geologiýa işgärleriniň güni mynasybetli geçiriljek dabaralara taýýarlyk görlüşi barada hasabat berdi. Bu hünär baýramçylygy mynasybetli paýtagtymyzda we welaýatlarda birnäçe çäreleri geçirmek göz öňünde tutulýar. Bu hünär baýramyny döretmek başlangyjy 2009-njy ýylda “Türkmenistan – Hytaý” gaz geçirijisi işe girizilen gününde öňe sürüldi.
ORIENT news
