Türkmenistan ilkinji gezek Halkara sergiler býurosynyň geňeşiniň agzalygyna saýlandy
Türkmenistan Halkara sergiler býurosynyň administratiw we býujet meseleleri geňeşiniň agzalygyna biragyzdan saýlandy. Bu karar býuronyň Baş Assambleýasynyň 173-nji mejlisiniň çäklerinde Türkmenistanyň Fransiýadaky ilçisi Maksat Çaryýewiň, Söwda-senagat edarasynyň başlygy Mergen Gurdowyň we Söwda we daşary ykdysady aragatnaşyk ministrliginiň wekilleriniň gatnaşmagynda kabul edildi.
“Soňra “EXPO 2030” halkara sergisiniň geçiriljek ýurduny saýlamak boýunça ses berişlik geçirildi. Ses berişligiň netijesinde, Saud Arabystany Patyşalygynyň Er-Riýad şäheri abraýly serginiň 2030-njy ýyldaky geçiriljek ýeri hökmünde saýlanyldy” diýlip, Türkmenistanyň Fransiýadaky ilçihanasynyň metbugat beýanatynda mälim edilýär.
“EXPO 2030” sergisini geçirmäge esasy dalaşgärler hökmünde Saud Arabystanyndan başga-da Italiýa we Koreýa Respublikasy boldy.
ORIENT news
