BelTA: 2030-njy ýyla çenli Belarus dolandyryş hyzmatlarynyň köpüsini elektron görnüşe geçirer
2030-njy ýyla çenli Belarus Respublikasy dolandyryş hyzmatlarynyň köpüsini elektron görnüşe geçirmegi meýilleşdirýär. Bu barada ýurduň döwlet Baştutanynyň sözlerine salgylanyp, “BelTA” habarlar agentligi mälim edýär.
Respublikanyň Prezidenti Aleksandr Lukaşenko tarapyndan gol çekilen Kararda elektron platformalary döretmek, ykdysadyýetiň senagat, bilim, saglygy goraýyş, ulag, aragatnaşyk, gurluşyk, oba hojalygy, söwda, hökümet statistikasy we dolandyryş, ekologiýa, ýaşaýyş jaý we jemgyýetçilik hyzmatlary, durmuş we zähmet üpjünçiligi ýaly ugurlarynda sanly ösüş taslamalaryny maliýeleşdirmek göz öňünde tutulýar.
Şeýle hem Belarus Respublikasynda sebitleýin sanlaşdyrmak üçin täze gural hödürledi. Ol ýerli innowasiýa gaznalarynyň hasabyna ulanyp synag taslamalarynyň netijelerini giňeltmegi maksat edinýär.
Senagatlaryň we sebitleriň sanlaşdyrylmagy sanly ösüşiň görkezijilerine esaslanyp baha berler. Baha bermegiň netijeleri “Sanly taslamalaryň aýnasy” maglumat ulgamynda köpçülige elýeterli bolar. Şeýle hem bu platforma sanly ösüş pudagynda dowam edýän synag taslamalary barada maglumatlary özünde jemlär.
ORIENT news
