Daşkendiň metropoliteninde eliň aýasyny skaner etmek arkaly töleg amaly synag edilýär
Özbegistanyň paýtagtynyň metropolitenindäki “Halklaryň dostlugy” stansiýasynda ilkinji gezek eliň aýasyny skaner etmek arkaly töleg amaly ýola goýuldy. Bu barada ýurduň Milli habarlar agentligi Daşkent şäher häkimliginiň metbugat gullugyna salgylanyp habar berýär.
UZINFOKOM kompaniýasynyň işläp taýýarlan we gan damarlaryň şekilleri esasynda tanamagy başarýan Palm lD täze biometrik taslamasy ýolagçy töleglerini bank ýa-da ulag kartlaryny, QR-kodly çekleri ulanmazdan tölegi amala aşyrmaga mümkinçilik berýär.
Bu ulgam şu şekilde işleýär—ýolagçy skaneriň üstüne eliniň aýasyny tutýar, ulgam ony identifirleýär we awtomatik usulda tölegi geçirýär. Munuň üçin ýörite programma arkaly öz şahsy maglumatlaryňy girizmek ýeterlikdir.
Wirtual kart mobil goşundy arkaly açylýar we hasaby doldurylýar.
ORIENT news
