Tansçy Aýazbaba Fillipinler döwletiniň paýtagtynyň ýol hereketine gözegçilik edýär
Dynç alyş möwsüminiň öňüsyrasynda Aýaz baba lybasynda geýnen ýol gözegçisi dowamly ulag dyknyşygy bilen tanalýan Filippinleriň paýtagty Manilada ulaglary ýol hereketini kadalaşdyrýar.
Tans edýän Aýazbaba çylşyrymly tans hereketlerini görkezmek bilen ýolagçylary we awtoulag sürüjilerini begendirýär. 57 ýaşyndaky ýol gözegçisi Ramir Hinohas adamlary tukatlykdan saplanmaga we göwnüni götermäge çalyşýar.
“Bu adamlar ýolda garaşýarka olaryň ruhuny belende götermek üçin edip bilýän ýeke-täk zadym. Muny dowamly etmek üçin maňa yzygiderli türgenleşmek zerur bolýar. Sport bilen meşgullanmasam, özümi ejiz duýaryn. Meniň aradan çykan kärdeşlerim köp, olar hemişe diňe şol ýerde durdular, gymyldamaýardylar, şonuň üçin syrkawlaýardylar. Kesellemez ýaly maňa başga görnüşde çemeleşmek gerek. Şonuň üçin-de özümi işjeň ýagdaýda saklamaga çalyşýaryn” diýip, ol belleýär.
Sürüjiler tansçy Aýazbaba barada şeýle teswirleri paýlaşýarlar:
— Hemme zat ýerbe-ýer. Tansçy hem-ä ýol hereketini dolandyrýar hem-de adamlara azajygam bolsa, şatlyk paýlaýar.
— Biz garaşyp ýa-da sürüp barýarkak, onuň tans edişini görüp begenýäris. Ol hiç hili kynçylyk çekmeýän adama meňzeýär we adamlara şatlyk paýlaýar.
ORIENT news
