Türkmenistan Yragy her ýylda 9 milliard kub metr tebigy gaz bilen üpjün eder
Aşgabat şäherinde “Türkmengaz” döwlet konserniniň wekilleri bilen Yrak Respublikasynyň elektroenergetika ministri Ziad Ali Fadeliň ýolbaşçylygyndaky wekiliýetiniň arasynda duşuşyk geçirildi.
Duşuşykda taraplar SWAP meýilnamasy boýunça goňşy Eýranyň üsti bilen Yraga türkmen tebigy gazyny ibermek bilen baglanyşykly meseleleri ara alyp maslahatlaşdylar. TDH-nyň habaryna görä, bu duşuşykda gaz pudagynda geljekde bilelikdäki işleriň hukuk ýagdaýlary, täjirçilik, maliýe we guramaçylyk şertleri jikme-jik ara alnyp maslahatlaşyldy.
Ondan öň “Türkmengaz” döwlet konserni bilen Yrak Respublikasynyň Elektroenergetika ministrliginiň arasynda özara düşünişmek Ähtnamasyna gol çekilipdi.
Häzirki duşuşygyň netijesinde türkmen tebigy gazyny Yrak Respublikasyna satmak, satyn almak baradaky şertnamanyň esasy täjirçilik şertlerine, Teswirnama gol çekildi. Teswirnama laýyklykda, SWAP meýilnamasy boýunça 5 ýyl möhlet bilen her ýyl 9 milliard kub metr türkmen tebigy gazy Eýranyň üsti bilen Yraga iberiler.
ORIENT news
