Fransuz dilini bilmek derejesi boýunça Aşgabatda synag geçiriler

Oktýabr 26, 2023 | 19:15 |3910

Aşgabatdaky Fransuz instituty 18 - 22-nji dekabr aralygynda fransuz dilini bilmek derejesi boýunça "DELF/DALF" atly synag möwsümini geçirýär.

Şeýle-de synaglara taýýarlanmak üçin institut tarapyndan ýörite taýýaralyk okuwlary hem geçiriler. Degişli döwürde ulular üçin her biri 2 sagatdan ybarat 2 ders, ýetginjekler üçin bolsa, her biri bir ýarym sagatdan ybarat 2 ders geçiriler.

Synaglara gatnaşmaga 1-nji dekabra çenli, ýetginjekleriň okuwlara gatnaşmagy üçin bolsa ýazylşyk 13-nji noýabra çenli dowam edýär.

ORIENT news