Serdar Berdimuhamedow bilelikdäki maýa goýum gaznasyny hem-de maýa goýumlar boýunça bilelikdäki iş toparyny döretmegi türk tarapyna teklip etdi
Oktýabr 26, 2023 | 17:30 |4709
Ankara şäherinde 26-njy oktýabrda geçirilen Türkmenistan - Türkiýe işewürlik forumynda Prezident Serdar Berdimuhamedow bilelikdäki maýa goýum gaznasyny hem-de maýa goýumlar boýunça bilelikdäki iş toparyny döretmegi teklip etdi.
Forumda eden çykyşynda Türkmenistanyň Prezidenti ýurtda durmuşa geçirilýän iri energetika we infrastruktura taslamalaryna daşary ýurt maýalaryny çekmäge daşary ýurtlar bilen bu ugurda hyzmatdaşlygy ösdürmäge ähmiýet berýändigini belledi.
Döwlet Baştutany türk maýadarlarynyň, senagatçylarynyň ýurtda alyp barýan işlerini maliýe taýdan düzgünleşdirmek maksady bilen, Türkiýäniň käbir iri banklarynyň Türkmenistanda şahamçalaryny açmak meselesine seretmek barada aýtdy.
ORIENT news
