Aşgabatda maýyplary iş bilen üpjün etmek üçin niýetlenen ussahana kämilleşdirildi
Aşgabatda BMGÖM-iň we Türkmenistanyň körler we kerler jemgyýetiniň “Türkmenistanda maýyplar üçin amatly iş: bilim almak we mynasyp iş tapmak mümkinçiligi üçin, jemgyýetçilik kärhanalaryny özgertmek" atly bilelikdäki taslamasynyň çäginde, Günorta-Günorta global ösüş we hymatdaşlyk Gaznasynyň maliýe goldawy bilen, BDST-iň №1-nji karton we çaphana ussahanasynyň açylyş dabarasy geçirildi.
Görüş we eşidiş taýdan kemçilikli adamlaryň işini ýeňilleşdirmek üçin döredilen häzirki zaman karton we çaphana enjamlary bilen doly enjamlaşdyrylan ussahananyň durkunyň täzelenmegi netijesinde BDST-iň işgärleri üçin kagyz haltalary, kartoçkalary we beýleki çap önümlerini goşmak bilen önümleriň önümçiliginiň giň göwrümini ep-esli ýokarlandyryp bilerler.
Taslamanyň çäginde, BMGÖM karton we çaphana ussahanasynyň işgärleri üçin täze enjamlary işletmek we tehniki taýdan hyzmat etmek, şeýle hem täze tehnologiýalary optimal ulanmak maksady bilen okuw gurady.
Täzelenen karton we çaphana ussahanasynyň açylmagy BDST-iň işgärlerine has netijeli işlemäge, öndürijiligi ýokarlandyrmaga, müşderi bazasyny giňeltmäge we bazarda bäsdeşlige ukyply bolmaga kömek eder diýip, BMGÖM-niň Türkmenistandaky Hemişelik wekiliniň orunbasary Tomika Paowiç belledi.
ORIENT news
