USAID Merkezi Aziýa 14,3 million dollar goşmaça maýa goýar
ABŞ-nyň Halkara ösüş agentliginiň (USAID) dolandyryjysy Samanta Pauer Merkezi Aziý ýurtlaryna goşmaça maýa goýumlary gönükdirmekçidigini mälim etdi. Bu barada ol Samarkant şäherinde geçen C5+1 görnüşdäki ministrler maslahatynda mälim etdi.
Ähli Merkezi Aziýa ýurtlarynyň, şol sanda Türkmenistanyň wekiliniň gatnaşmagynda geçirilen mejlisde söwda, ykdysadyýetiň “ýaşyl” ösüşi, galp maglumatlara garşy göreşmek üçin goşmaça 14, 3 million dollar bölünip berler. Taraplar söwdany ösdürmek, parnik gazlarynyň mukdaryny azaltmak boýunça hyzmatdaşlygy çuňlaşdyrmagy ylalaşdylar.
Samanta Paueriň mälim etmegine görä, USAID hususy düzümleri, 100-e golaý hususy telekeçiligi maliýe taýdan goldamak üçin 10,8 million amerikan dollaryny bölüp berer. Bu grantlar hususan-da maglumat-aragatnaşyk, “ýaşyl” ykdysadyýet pudagynda iş alyp barýan startaplara gönükdiriler.
ORIENT news
