Hazarýaka ýurtlarynyň Edebiýat merkezleri dörediler
Astrahan oblastyndan edebiýat mugallymy Andreý Žurbin Russiýa Federasiýasynyň Prezidenti bilen bolan duşuşykda Hazarýaka döwletlerinde dostluk edebiýat merkezini döretmek teklibini öňe sürdi. Bu teklip "Ýylyň mugallymy" atly ählirus ýaryşynyň ýeňijileriniň Russiýanyň Prezidenti bilen bolan duşuşygynda aýdyldy.
Şeýle merkezleriň Astrahanda, Azerbaýjanda, Eýranda, Gazagystanda we Türkmenistanda açylmalydygy öňe sürüldi. Bu merkezler dostlukly Aziýa döwletleri medeni gatnaşyklaryň ösdürilmegine itergi berer. Astrahanly mugallymyň teklibini Prezident Waldimir Putin hem goldady. Onuň pikirine görä, biziň ýurtlarymyzy diňe bir Hazar deňzi birleşdirmän, ählumumy goňşuçlyk we medeniýet hem baglanyşdyrýar.
Prezident Wladimir Putin bu teklibi durmuşa geçirmek meselelerini öwrenmegi ýurduň Hökümetine we Daşary işler ministrligine tabşyryklary berjekdigini aýtdy. Bu teklibi durmuşa geçirmegiň taslamasy 16-18-nji noýabrda Sankt-Peterburgda geçiriljek halkara medeni forumda hödürlener. Oňa GDA, ŞHG we BRIKS guramalaryna agza döwletleriň medeni wekilleri gatnaşar.
ORIENT news
