Halkara Gyzyl Haç komitetiniň sebit wekili bilen gepleşikler geçirildi
Türkmenistan bilen Halkara Gyzyl Haç komitetiniň arasynda geljek ýyllardaky hyzmatdaşlyk meseleleri penşenbe güni Türkmenistanyň daşary işler ministriniň orunbasary Mähri Bäşimowanyň we Halkara Gyzyl Haç komitetiniň Merkezi Aziýa boýunça wekilhanasynyň ýolbaşçysynyň orunbasary Žak Barberis bilen geçiren duşuşygynda ara alnyp maslahatlaşyldy. Bu duşuşyk myhmanyň Aşgabada saparynyň çäklerinde geçirildi diýip, Daşary işler ministrligi habar berýär.
Duşuşykda Türkmenistanyň we Halkara Gyzyl Haç komitetiniň halkara ynsanperwer hukukgynyň ýörelgelerini ilerletmekde netijeli hyzmatdaşlyk edýändikleri bellendi. Türkmen tarapy Türkmenistanyň Gyzyl Ýarym Aý milli jemgyýetiniň işini utgaşdyrmakda ýardam berýändigi üçin Halkara Gyzyl Haç komitetine hoşallyk bildirdi. Şeýle hem, taraplar özara gatnaşyklaryň wajyp ugurlary boýunça pikir alyşdylar we hyzmatdaşlygy ösdürmek üçin anyk ugurlary kesgitlediler.
ORIENT news
