Aziýa Olimpiýa Geňeşi Aziýa oýunlarynyň iň gymmatly oýunçysyny saýlar
Aziýa Olimpiýa Geňeşi Hytaýyň Hançžou şäherinde geçirilýän XIX Aziýa oýunlarynyň iň gymmatly oýunçysyny saýlar. Munuň üçin 6 adamdan ybarat ýörite topar hem döredildi. Bu adamlaryň her biri Aziýanyň dürli sebitlerine wekilçilik edýär.
Bu ýörite topara Aziýa Olimpiýa Geňeşiniň hormatly we ömürlik wise-prezidenti Weý Sziçžun ýolbaşçylyk edýär. Ol şeýle hem, nobatdaky Aziýa oýunlarynyň sport desgalary boýunça işçi toparyna hem ýolbaşçylyk edýär.
Günbatar Aziýadan şazada Fahad Jalawi Al Saud, Merkezi Aziýadan - Özbegistanyň Milli olimpiýa komitetiniň baş sekretary Oýbek Kasymow, Gündogar Aziýadan - Hytaýyň Olimpiýa komitetiniň wise-prezidenti Li Linweý, Günorta-Gündogar Aziýadan - Filippinleriň Milli olimpiýa komitetiniň ýolbaşçysy Awraam Tolentino, Günorta Aziýadan - Bangaldeşiň Olimpiýa assosiasiýasynyň baş sekretary Saýed Şahid Reza ýörite topara agza bolup durýar.
Iň gymmatly oýunçy Oýunlaryň ýapylyş dabarasynyň geçirilýän gününde - 8-nji oktýabrda mälim ediler. Indoneziýanyň Jakarta şäherinde 2018-nji ýylda geçirilen XVIII Aziýa Oýunlarynyň iň gymmatly oýunçysy ýapononiýaly zenan suwda ýüzüji türgeni Rikako Iki yglan edilipdi. Ol şol gezekki oýunlarda 6 altyn we 2 kümüş medal toplapdy.
ORIENT news
