Arkadag şäherinde geçirilen halkara forumda Merkezi Aziýa ýurtlarynyň ýaşlarynyň arasynda dialog ýola goýuldy
«Merkezi Aziýa ýurtlarynyň ýaşlarynyň dialogy»-ny esaslandyryş mejlisi duşenbe güni Arkadag şäherinde Gazagystanyň, Gyrgyzystanyň, Täjigistanyň, Türkmenistanyň we Özbegistanyň wekilleriniň, şeýle hem halkara guramalarynyň gatnaşmagynda geçirildi.
Ähtnama gol çekilmegi bilen berkidilen sebitara gatnaşyklaryň täze görnüşi, Merkezi Aziýanyň bäş ýurdunyň ýaşlar jemgyýetleriniň arasynda göni aragatnaşyklaryň ösmegine ýardam etmäge gönükdirilendir. Esaslandyryş 2-nji oktýabrda Arkadag şäherinde Aba Annaýew adyndaky Halkara atçylyk akademiýasynda geçirilen «Dialog - parahatçylygyň kepili» atly ýaşlar forumynyň çäginde geçirildi.
Gibrid görnüşde gurnalan bu foruma jemgyýetçilik we hökümet işgärleri, Türkmenistandan, Hytaýdan, BAE-den, Azerbaýjandan, Liwiýadan we beýleki ýurtlardan gelen ýaş aktiwistler gatnaşdy. Türkmenistanda wekilçilik edilýän BMG guramalarynyň we edaralarynyň ýolbaşçylary we işgärleri bu çekişmä goşuldy.
Forumyň esasy mowzuklary – parahatçylygy we jemgyýetçilik jebisligini, howanyň üýtgemegi we daşky gurşawyň durnuklylygyny ýokarlandyrmak, sanly diplomatiýa, medeniýet we sungat arkaly parahatçylygy ösdürmek başlangyçlarydyr.
ORIENT news
