Türkmenistanda german maýasynyň gatnaşmagynda 26 kärhana hereket edýär
Häzirki wagtda Türkmenistanyň ykdysadyýetiniň dürli pudaklarynda german maýasynyň gatnaşmagynda önümçilik kärhanalarynyň 26-sy işjeň iş alyp barýar. Türkmen-german hyzmatdaşlygynyň netijesinde, nebitgaz, dokma hem-de azyk senagaty, lukmançylyk we saglygy goraýyş, oba hojalygy, ulag telekommunikasiýalar ulgamlarynda umumy bahasy 1,6 milliard amerikan dollaryna golaý bolan bilelikdäki maýa goýum taslamalarynyň 196-sy durmuşa geçirilýär. Bu barada "Türkmeistan" gazeti habar berýär.
1995 – 2023-nji ýyllarda türkmen-german özara haryt dolanyşygynyň möçberi 6,7 milliard amerikan dollaryna barabar boldy. Şu ýylyň 8 aýynyň netijeleri boýunça Türkmenistan bilen Germaniýanyň haryt dolanyşygy 210 amerikan dollaryna deň bolup, munuň özi, geçen ýylyň degişli döwri bilen deňeşdirilende, 63 göterim ýokarydyr.
2007-nji ýyldan häzirki wagta çenli Germniýanyň “CLASS” kompaniýasy bilen Türkmenistanyň Oba hojalyk ministrliginiň we onuň düzümeýin edaralarynyň arasynda umumy bahasy 430 million ýewrodan gowrak oba hojalyk tehnikalarynydyr olaryň ätiýaçlyk şaýlaryny satyn almak hakynda ylalaşyklaryň 14-si baglaşyldy. Şeýle-de, türkmen hususy oba hojalyk önümlerini öndürijileriniň 240-a golaýy bilen umumy bahasy 38 million ýewro deň bolan 400 töweregi ylalaşyk durmuşa geçirildi.
Umuman, hyzmatdaşlyk ýyllarynda Türkmenistana umumy bahasy 468 million ýewrodan gowrak bolan “CLASS” kysymly oba hojalyk tehnikalarynyň we olaryň ätiýaçlyk şaýlarynyň 5 müňden gowragy iberildi.
ORIENT news
