Türkmen wekiliýeti Moskwa formatyndaky Owganystan boýunça geňeşmelere gatnaşdy
Türkmenistanyň diplomatik wekilleri Moskwa formatyndaky Owganystan boýunça geňeşmeleriň 5-nji mejlisine gatnaşdy. Ol Russiýa Federasiýasynyň Tatarystan Respublikasynyň merkezi şäheri Kazanda geçirildi diýip, Russiýanyň köpçülikleýin habar beriş serişdeleri habar berýär.
Moskwa formatyndaky geňeşmelerde Türkmenistandan, Russiýadan, Hindistandan, Eýrandan, Gazagystandan, Katar Döwletinden, Gazagystandan, Hytaýdan, Birleşen Arap Emirliklerinden, Pakistandan, Türkiýeden, Täjigistandan, Özbegistandan we Saud Arabystanyndan ýörite wekiller Owganystanyň dikeldilmegi ugrunda bitewi garaýyşlaryny mälim etdiler.
Onda Hytaýyň Daşary işler ministrliginiň Owganystan boýunça ýörite wekili Ýue Sýaoýunyň pikirine görä, dostlukly döwletiň dikeldilmegi üçin onuň içerki işlerine gatyşmazadan, halkara sebit hyzmatdaşlygynyň birikidirilmegi möhümdir. Mejlise şeýle hem Owgansytanyň Daşary işler ministrliginiň ýolbaşçysy Amir Han Mottaki hem gatnaşdy. Gatnaşyjylar Owganystanda inkýuziw hökümeti döretmäge çagyrdylar.
Owganystanyň daşary syýasat edarasynyň ýolbaşçysynyň mälim etmegine görä, häzirki wagtda Owganystanda howpsuzlygyň üpjün edilen döwründe ykdysadyýet bilen baglanyşykly taslamalaryň durmuşa geçirilmegi zerurdyr. Ykdysady we daşary syýasy ugruna esaslanyp, Owganystan sebit gtanaşyklary üçin ähli mümkinçilikleri döretmäge taýýardyr.
Mejlise gatnaşyjylar Owganystanyň garaşsyz, bitewi we parahat ýurt hökmünde ösmegine goldaw bermek hem-de ikitaraplaýyn we köptaraplaýyn esasdaky hyzmatdaşlygy ösdürmek boýunça çykyş etdiler. Medeniýet, bilim we sport ugurlaryndaky hyzmatdaşlyga, Owganystan bilen sebit taslamalaryny durmuşa geçirmäge gyzyklanmalar bildirildi.
ORIENT news
