Türkmenistanda “Aurus” kysymly ulaglar ulanylyp bilner
Russiýa Federasiýasynyň Baştutany Rustam Minnihanow Türkmenistanda “Aurus” kysymly awtoulaglaryň peýda bolup biljekdigini mälim etdi.
“Bu ýerde biziň awtoulag kompaniýalarymyz tarapyndan hödürlenýän hyzmatlar ulgamy örän möhümdir. “Aurus” we beýleki modelli awtoulaglaryň bu ýerde peýda bolup biljegi ikuçsuzdyr” diýip, Rustam Minnihanow nygtady.
Türkmenistana saparynyň çäklerinde Minnihanow Halk Maslahatyň Başlygy Gurbanguly Berdimuhamedow bilen duşuşdy. Bellenişi ýaly, duşuşygyň barşynda, işleriň ýagdaýy we täze taslamalar ara alnyp maslahatlaşyldy. Bu taslamalar esasan nebit we awtoulag senagaty, bilim we IT pudagyndaky maksatnamalar bilen baglanyşyklydyr.
Şu ýylyň başynda Aşgabatda geçirilen türkmen-rus işewürlik forumynda Tatarystan Respublikasynyň senagat we söwda ministri Oleg Korobçenko Russiýanyň Türkmenistanda “Aurus” awtoulaglarynyň ulanylmagyny ýaýbaňlandyrmak isleýändigini nygtady.
“Lýuks” görnüşli “Aurus” modelli ilkinji rus awtoulaglary Tatarystan Respublikasynyň Ýelabuga şäherndäki kärhanada öndürilýär. Bu kysymly ulag Türkmenistanda ilkinji gezek 2019-njy ýylyň 12-nji awgustynda Awaza Milli syýahatçylyk zolagynda tanyşdyryldy.
ORIENT news
