Türkmen okuwçylary "FLEX" okuw maksatnamasyna gatnaşmaga çagyrylýar
Türkmenistanly ýokary synp mekdep okuwçylary "FLEX" okuw maksatnamasy esasynda 2024 - 2024-nji okuw ýylynda Amerikanyň Birleşen Ştatlarynda okamaga çagyrylýar. Olar bir ýylyň dowamynda amerikan mekdeplerinde okarlar we amerikan maşgalalarynda hem ýaşarlar.
Okuw synaglaryndan üstünlikli geçen dalaşgärleriň okuw, ýaşaýyş we ýol çykdajylarynyň ählisi ABŞ-nyň Hökümeti tarapyndan tölenýär. Oňa 2006-njy ýylyň 15-nji marty - 2008-nji ýylyň 31-nji maýy aralygynda doglanlar gatnaşyp bilýärler. Harby gullugy geçmäge degişli 11-nji synp oglanlary bu okuwlara gatnaşyp bilmeýärler. Munuň üçin dalaşgäriň iňlis dilini oňat bilmegi we okuwlara ýetişiginiň gowy bolmagy zerurdyr.
Guramaçylar welaýatlarda we Aşgabat şäherinde synaglaryň haçan boljakdygyny mälim edýärler. Synaglara gatnaşmak üçin okuw lybasynda ýanyň bilen täze düşülen 1 sany 3x4 suraty, pasporty ýa-da dogluş hakynda şahadatnamany we gara galam alyp gelmek zeurdyr.
Goşmaça maglumat üçin Aşgabatdaky Amerikan geňeşlerine ýüz tutup bilersiňiz:
Tel.: (+99312) 36-90-16; (+99363) 50-20-36
Elektron poçta: flex.tm@americancouncils.org;
web-saýty: https://americancouncilstm.org/news/flex-testing-2023/
ORIENT news
