Serdar Berdimuhamedowa Arkaly atly bedew sowgat berildi

Sentýabr 27, 2023 | 17:07 |8409

Çeşme: "Altyn Asyr" teleýaýlymy

Garaşsyzlyk baýramy mynasybetli Aşgabatdaky Döwlet münberiniň öňünde ýaýbaňlandyrylan baýramçylyk dabaralarynyň barşynda Prezident Serdar Berdimuhamedowa Arkaly atly ahalteke aty sowgat berildi.

2020-nji ýylda doglan at meşhur Garlawajyň ugrundan bolup, Meleguş we Elwan atlarynyň neslindendir.

Dabaraly harby ýöriş ahalteke bedewlerine atlanan ýigitleriň ýörişleir bilen dowam etdi. Soňra, ýurdumyzyň ykdysadyýetiniň pudaklarynyň işgärleri ýetilen sepgitleri wasp edýän sahnalaşdyrylan çykyşlar bilen Döwlet münberiniň öňünden geçip gitdiler.

Onda Garaşsyzlyk ýyllarynda milli ykdysadyýetde gazanylan üstünlikler bilen birlikde, türkmen medeniýetiniň baý özboluşlylygy aýdym-sazlar we tanslar bilen beýan edildi.