Türkmenistanda gazetlere we žurnallara onlaýn ýazylyşyklaryň sany artýar
Sentýabr 25, 2023 | 13:37 |8235
Türkmenistanyň Minsitrler Kabinetiniň ýanyndaky Ulag we kommunikasiýalar agentliginiň “Türkmenaragatnaşyk” agentliginiň maglumatlaryna görä, 2023-nji ýylyň 2-nji ýarymýyllygy üçin gazetlere we žurnallara 387 müň adam onlaýn ýazyldylar.
“Türkmenpoçta” döwlet poçta aragatnaşyk kompaniýasy tarapyndan işe girizilen “Online Abuna” elektron programmasy okyjylara gazetleri we žurnallary öýden çykmazdan satyn almaga mümkinçilik berýär.
“Türkmenpoçtanyň” “Türkmenmetbugat” goşundysynyň kömegi bilen çap edilýän köpçülikleýin habar beriş serişdelerine häzirki wagt tertibinde ýazylmak bolýar. Şeýle hem bu programma neşirleri onlaýn arkaly ýüklemäge mümkinçilik berýär.
Iki goşundy hem ýüklemek üçin “AppStore” we “Google Play-de” elýeterlidir.
ORIENT news
