"Biz bu işi dowam etdireris" - Halk Maslahatynyň Başlygy hemaýata mätäç çagalara kömek etmek hakynda
Milli ynsanperwer ýolumyzdan we mätäçlere goldaw bermekden ugur alyp, idege mätäç çagalara kömek etmek üçin haýyr-sahawat gaznasyny döretdik diýip, türkmen halkynyň Milli Lideri Gurbanguly Berdimuhamedow ýekşenbe günündäki Halk Maslahatynyň nobatdaky mejlisinde aýtdy.
TDH habar gullugynyň berýän habaryna görä, gazna ene-atalaryndan ýa-da hossarlaryndan jyda düşen çagalara we ýetginjeklere aýratyn hemaýat edýär we gaznanyň kömegi bilen idege zerur çagalaryň köpüsiniň saglygy dikeldildi.
“Biz geljekde-de bu işi dowam etdireris. Döwlet we gaznanyň munuň üçin ýeterlik serişdesi bar. Sebäbi adamlaryň saglygy diňe bir ýurduň esasy baýlygy bolman, eýsem türkmen halkynyň häzirki we geljek nesilleri üçin bagtly durmuş üçin berk binýatdyr "- diýip, Gurbanguly Berdimuhamedow belledi.
ORIENT news
