Gonkongyň ilkinji emeli hemrasy uçurylmaga taýýar
Sentýabr 23, 2023 | 13:32 |8845
Gonkongyň ilkinji emeli hemrasy Ýerden uzakdaky giňişlige goýberilmäge taýýar. "Hong Kong Star" diýlip atlandyrylýan bu hemra Hytaýyň deňiz içindäki platformasyndan noýabr aýynyň ahyrynda Arşa goýberiler.
Emeli hemrada ýokary durulykdaky optiki kameralar ornaşdyrylypdyr. Ol Ýeriň üstki gatlagyny ýokary durulykda surata almakda ulanylar. Bellenişine görä, emeli hemra ählumumy logistikany, "akylly" şäherleri ösdürmekde, tebigy hadysalary öňünden habar bermekde netijeli bolar.
Bu hemra Gonkongyň özbaşdak 720 töweregi emeli hemralar toparyny döretmek maksatnamasynyň ilkinji ädimleridir. Bu maksatnama Gonkongyň kosmos tehnologiýalary pudagyndaky ylmy tehniki mümkinçiliklerini we bäsdeşlige ukyplylygyny artdyrar.
ORIENT news
