Türkmenistanyň Prezidenti iş kesilen 1180 raýatyň günäsini geçmek hakynda Permana gol çekdi
Sentýabr 22, 2023 | 21:13 |13546
Türkmenistanda iş kesilen 1180 raýatyň günäsi geçildi. Olar Prezidentimiz Serdar Berdimuhamedowyň Permanyna laýyklykda tussaglykdan boşadylarlar.
Döwlet Baştutany, döwlet howpsuzlyk geňeşiniň agzalarynyň gatnaşmagynda ministrler kabinetiniň giňeldilen mejlisinde günä geçmek baradaky Permana gol çekdi. Serdar Berdimuhamedow ýerli häkimiýetleriň ýolbaşçylaryna günäsi geçilenlere işe ýerleşmek meselesinde ýardam etmegi tabşyrdy. Bu barada türkmen telewideniýesiniň agşamky habar ýaýlymynda aýdyldy.
Türkmenistanda möhüm milli we döwlet baýramçylyklaryň öňüsyrasynda günä geçmek çäresi geçirilýär. Bu gezek günä geçmek ýurdumyzyň Garaşsyzlygynyň 32 ýyllygy mynasybetli geçirildi.
ORIENT news
