Türkmenistan banklary Russiýa Federasiýasynda walýuta söwdasyna gatnaşyp bilýän ýurtlaryň sanawyna girdi
Russiýa Federasiýasynyň hökümeti «banklary we dellallary, Russiýanyň walýuta bazaryna, şeýle hem maliýe gurallarynyň emele gelen bazaryna söwda etmäge rugsat beriljek» 30-dan gowrak dostlukly we bitarap ýurtlaryň sanawyny tassyklady. Bu barada buýruga premýer-ministr Mihail Mişustin gol çekdi diýip, TASS Russiýanyň Ministrler kabinetiniň saýtyna salgylanýar.
Döwlet materiallaryndan görnüşi ýaly, sanawda Azerbaýjan, Alžir, Ermenistan, Bangladeş, Bahreýn, Belarus, Braziliýa, Wenesuela, Wýetnam, Müsür, Hindistan, Indoneziýa, Eýran, Gazagystan, Katar, Gyrgyzystan, Hytaý, Kuba, Malaýziýa, Marokko, Mongoliýa, BAE, Oman, Pakistan, Saud Arabystany, Serbiýa, Täjigistan, Taýland, Türkmenistan, Türkiýe, Özbegistan we Günorta Afrika bar.
Bu sanaw 2023-nji ýylyň iýul aýynda kabul edilen «Guramaçylykly söwdalar barada» federal kanunynyň täze kadalarynyň durmuşa geçirilmeginiň bir bölegi hökmünde tassyklandy. Hökümetiň belleýşi ýaly, bu kadalar dostlukly we bitarap ýurtlaryň milli walýutalaryny göni konwertasiýa etmegiň mehanizminiň netijeliligini ýokarlandyrmaga we Russiýanyň ykdysadyýetiniň milli walýutadaky hasaplaşyklara bolan islegini kanagatlandyrmak üçin rubla gönüden-göni baha kesilmegini döretmäge gönükdirilendir diýip, Russiýanyň hökümeti sanawyň döredilmegi barada teswir berdi.
Bu düzedişler kabul edilmezden ozal diňe rus raýatlary walýuta söwdasyna gatnaşyp bilerýärdi we olaryň köpüsiniň milli walýutalarda zerur mukdarda likwidligi üpjün etmek mümkinçiligi ýokdy. Kanuny täze kadalar bilen doldurmak başlangyjynyň awtorlarynyň belleýşi ýaly, öňki ýagdaý geleşikleriň ösüşini çäklendirýärdi we 2022-nji ýylyň fewral aýyndan bäri teňňe, ýuan, lira, som, dirham, rupiýa we beýleki walýutalarda amallara bolan islegiň ýokarlanmagynyň fonunda rublyň daşary ýurt walýutasyndaky hümmetiniň kesgitlenmegini ýoýdy.
Goşmaça materiallar şeýle hem düzedişleriň rus gatnaşyjylarynyň milli walýutalarda daşary ykdysady işjeňlige gatnaşýan ilatly nokatlarynyň sanynyň köpelmegine we şeýle hasaplaşyklarda ABŞ-nyň dollarynyň we ýewro paýynyň azalmagyna goşant goşjakdygyny mälim etdi.
ORIENT news
