Aşgabatda “Hazar deňzi—durnukly ösüş we dolandyryş” atly dokuzynjy okuw maslahaty öz işine başlaýar
11-nji sentýabrda Aşgabatda “Hazar deňzi—durnukly ösüş we dolandyryş” atly dokuzynjy okuw maslahaty öz işine başlaýar. Türkmenistanyň Daşary işler ministrliginiň hem-de Hazar deňzi institutynyň Halkara umman instituty bilen hyzmatdaşlykda guraýan bu on günlük okuw maslahaty Hararýaka ýurtlarynyň dürli edaralarynyň işgärlerini bir ýere jemlär.
Bu çärä “Arçabil” myhmanhanasynda utgaşykly görnüşde geçiriler. Okuw sapaklary iňlis dilinde geçirilip, tejribe işlerini brifingleri, dolandyrmagyň we meýilleşdirmegiň täze usullary bilen tanyşlygy, ara alyp maslahatlaşmalary öz işçine alýar.
Okuw maslahatynyň diňleýjileri Hazar deňzi sebitiniň taryhy, durmuş-ykdysady we syýasy ýagdaýyny, onuň ekologiýa meselelerini hem-de mümkinçiliklerini, deňiz zolaklaryny we hukuk-tertiplerini, Hazaryň suw derejesiniň üýtgemegini öwrenerler hem-de Tähran konwensiýasy we oňa degişli teswirnamalar, şeýle hem beýleki sebit ylalaşyklary bilen tanyşarlar.
Şeýle hem okuw maslahatynyň gün tertibine deňiz ulagy we gämide ýüzmegiň howpsuzlygynyň halkara düzgünleri, maliýe mehanizmleri, balyk tutmak we brakonýerçilige garşy göreşmekde hyzmatdaşlyk bilen bagly meseleler girizildi.
ORIENT news
