Wengriýa nebiti we gazy import etmegiň täze ýollaryny gözleýär
Wengriýa nebiti we tebigy gazy import etmegiň täze ýollaryny gözleýär. Ýurduň daşary işler ministri Peter Siýýartonyň mälim etmegine görä, Türkiýe, Zakawkaziýe we Merkezi Aziýa döwletleri bilen hyzmatdaşlykda bu babatda oňat mümkinçilikler döreýär diýip, "TASS" habarlar agentligi mälim edýär.
Mälim edilişine görä, täze mümkinçilikleriň döremeginde Türkiýe Gündogar bilen Günbataryň arasynda energetika köprüsi bolmak üçin amatly mümkinçilikleri hödürleýär. Wengriýa Türkiýeden 2024-nji ýylyň başyndan 275 million kub metr tebigy gazy satyn almak barada şertnama baglaşdy. Türkiýäniň özünde çykarylan gaz degişli ugur boýunça Wengriýa iberiler.
Şu ýyl Wengriýa Azerbaýjandan 100 million kub metr tebigy gaz satyn aldy. Geljekde bu ýurt Türkmenistandan we Katar Döwletinden gaz satyn almagy meýilleşdirýär. Şunuň bilen baglylykda bolsa, döwletleriň arasynda yzygiderli gepleşikler geçirilýär.
ORIENT news
