Türkmen ýaşlary Hytaýda mata tikmegiň gadymy usullary bilen tanyş boldular
Merkezi Aziýa ýurtlarynyň wekiliýetleriniň düzüminde türkmen ýaşlary Hytaýyň merkezi Žunçan sebitindäki Rami muzeýine baryp gördüler. Rami - ýörite ösümlikden müňýyllykaryň dowamynda hytaý ýörelgeleri esasynda mata tikiliş usulydyr. Bu barada chinanews.com.cn neşiri habar berýär.
Rami usulynda mata tikmeklik bu sebitde müňlerçe ýyl ozal döräpdir we dowam etdirilýär. Taýýar önümler häzirki wagtda Koreýa Respublikasyna, Ýaponiýa we Günorta – Gündogar Aziýa ýurtlaryna eksport edilýär. Mata tikilýän ösümlik tropiki we subtropiki sebitlerde ösýär. Ondan taýýarlanylýan mata özüniň berkiligi we çyglylygy özüne çekijiligi bilen tapawutlanýar.
Bu usulda mata taýýarlamak örän köp zähmeti talap edýär. Ekologiýa taýdan arassa bu önüm Aziýa ýurtlarynda uly meşhurlyga eýedir. Merkezi Aziýanyň wekilleri diňe bir medeni mirasy gorap saklamagyň we ösdürmegiň hytaý usullary bilen tanyşman, eýsem gadymy ýörelgeleri ykdysady taýdan bähbitli önümçilige öwürmegiň tehnologiýasy bilen hem tanyş boldular. Ösümlik matasyndan dürli eşikleri, düşekçe ýapynjalary, sumkalary, şarflary we beýleki önümleri taýýarlamagy öwrendiler.
ORIENT news
