Türkmenistan we Gazagystan bilelikde ylmy maslahat gurarlar
Türkmenistanyň Gazagystandaky ilçisi Batyr Rejepow ýurduň Milli ylymlar akademiýasynyň prezidenti Kunsula Zakarýe bilen duşuşdy we bilelikdäki halkara ylmy-amaly maslahaty geçirmegi teklip etdi. Bu barada Türkmenistanyň Gazagystandaky ilçihanasy habar berýär.
Gazagystan Respublikasynyň Milli ylymlar akademiýasynyň prezidenti bu çäräni geçirmäge taýýardygyny mälim etdi. Öňde boljak maslahatyň Magtymguly Pyragynyň 300 ýyllygyna bagyşlanjakdygy, onuň iki ýurduň gündogarşynaslaryny bir ýere jemlejekdigi mälim edildi.
Şeýle hem, türkmen ilçisi Auezowa adyndaky Edebiýat we sungat institutynyň direktorynyň orunbasary Almira Kaliýewa bilen duşuşdy. Duşuşykda degişli ylmy edaranyň wekilleri öňde boljak maslahata gatnaşmaga çagyryldy.
Türki döwletleriniň guramasyna agza döwletlerde 2024-nji ýylyň “Türki dünýäsiniň beýik akyldary we şahyry Magtymguly Pyragynyň ýyly diýlip, yglan edilendigini bellemelidiris.
ORIENT news
