Beýik Britaniýada Ýelizaweta II-niň hatyrasyna göwher bilen bezelen uly teňňe döredildi
Agramy birnäçe kilograma barabar we iki tarapynda-da müňlerçe göwher bilen bezelen uly ýadygärlik teňňe Gündogar - Hindistan iňlis kompaniýasy tarapyndan Şa aýaly Ýelizaweta II-niň aradan çykmagynyň birinji ýyllygynyň öňisyrasynda taýýarlandy.
"Adaty bolmadyk ýadygärlik teňňesi Onuň Alyhezreti Şa zenany Ýellizaweta II-niň dowamly mirasyny bellemek üçin döredildi" - diýip, kompaniýa X (öňki Twitter) sosial torunda habar berdi.
Şaýy pul “Täç” diýlip atlandyryldy. Ol basketbol pökgisiniň ululygynda bolup, iki tarapynda-da kiçi altyn bölekleri we göwher bilen bezelendir. Önümçilik üçin ýokary standartly 3,61 kg altyn sarp edildi. Bu iş 6426 göwher bilen örtülendir we kompaniýanyň web sahypasynda aýdylyşyna görä, ony ýasamaga sekiz ýurtdan 83 sany hünärmen gatnaşdy.
ikinji tarapynda Ýelizaweta II-niň soňky portretini şekillendirýän altyn örtük bar we töwereginde müňlerçe göwher Birleşen Korollygyň baýdagyny emele getirýär. Öň tarapy Şa aýalynyň öňki portretleri bolan dörtlik teňňe we ahlaklylygy görkezýän altylyk teňňe bilen bezelipdir, bu tarapdaky gymmat bahaly daşlar ajaýyp nagyşy emele getirýär.
Bahasy takmynan 18,5 million funta satylsa dünýädäki iň gymmat teňňe bolup biler. Bu rekord dereje häzir 2021-nji ýylda 15.2 million funt sterlinge bahalanan “Double Eagle” teňňesinde saklanýar.
Beýik Britaniýanyň Şa zenany Ýelizaweta II ýurdy 70 ýyldan gowrak dolandyrdy. Ol 2022-nji ýylyň 8-nji sentýabrynda Şotlandiýada 96 ýaşynda aradan çykdy. Ony soňky ýoluna ugratmak dabarasy 19-njy sentýabrda Westminster ybadathanasynda geçirildi.
ORIENT news
